لما الناس بتتكلم عن Databases، غالبًا بيكون قصدهم Relational Databases زي PostgreSQL وMySQL وOracle. بس فيه أنواع تانية من Databases بتتسمى عمومًا “NoSQL”، ورغم إن الأنواع دي مختلفة عن بعضها، إلا إنها بتخدم أغراض كتير ومختلفة.
ليه اسمها “NoSQL”؟
الاسم “NoSQL” جاي من SQL، اللي هي اللغة اللي بنستخدمها عشان ندي أوامر (زي عمليات CRUD وإنشاء وحذف الجداول) في Relational Databases. الغريب بقا إن بعض قواعد NoSQL بتسمح باستخدام SQL Syntax برضه، وده بيخلي التسمية “NoSQL” شوية غريبة، بس لسه مشهورة وبنستخدمها عشان نفرّقها عن Relational Databases.
شعبية NoSQL
في آخر كام سنة، NoSQL بقت مشهورة جدًا، لدرجة إن الناس كانت بتسأل هل هتستبدل Relational Databases بالكامل ولا لأ. لكن مع الوقت، السوق استقر وحصة NoSQL بقت ثابتة. النتيجة إن NoSQL بقت ناضجة ومستقرة، وبتستخدم في مشاريع كبيرة وصغيرة، بس Relational Databases لسه متربعة على العرش ومعظم المشاريع بتعتمد عليها.
ده معناه إيه لمهندسين البرمجيات؟
لو إنت مهندس برمجيات، لازم تكون فاهم Relational Databases كويس، لأنك غالبًا هتتعامل معاها في شغلك. وفي نفس الوقت، من المهم تكون عندك فكرة عن الأنواع المشهورة من NoSQL Databases، لأنك ممكن تحتاج تتعامل معاها برضه، حتى لو بشكل أقل.