DB Life Cycle

هل لازم كل البرامج اللي في الدنيا يبقا ليها DB؟ لا مش لازم وفيه برامج ملهاش DB وممكن تبدلها بفايلات بس معظم البرامج الكبيرة بتستخدم فيها ال DB

Database Design Process

اتكلمنا عن حاجات مهمة في الـ 1. Data Models in Relational Systems

DB Life Cycle

1. Analysis

• أول مشكلة هي انك تفهم أصلا الـ client عايز يعمل ايه بالظبط
• دي أول حاجة اني بعمل Analysis وبشوف المطلوب ايه بالظبط؟
• بيبقا فيه شخص دي وظيفته انه بيشوف الـ Scope بتاع الـ DB وبيسلمني فايل SRS فيه كل المعلومات اللي انا محتاجها واسم الشخص دا System Analyst
• بيحل مشكلة الـ gap اللي بين الـ programmer والـ Client لان المبرمج بيتكلم كود والعميل بيتكلم بيزنس

2. DB Design (ERD)

فيه مقولة بتقول انك تشوف صورة احسن من انك تقرأ كتاب عشان بيوصلك معلومات اكتر

• في المرحلة دي بحول الكلام لرسمة بنسميها Entity Relationship Diagram (ERD) ودي بتبقا وظيفة الـ DB designer
• بس مش دا الـ DB الفعيلة

3. DB Mapping

• بنمرر الـ Diagram اللي عملناه في المرحلة اللي فاتت في المرحلة دي ونعمله كذا حاجة
• هو عبارة عن Set of rules بتطبق على ال ERD فبطلع منه الـ Actual Schema and Tables والمسؤول عنها هو برضو الـ DB designer
• بعد ما بخلص المرحلة دي لازم أرجع للـ System Analyst عشان أتأكد ان كل حاجة تمام وان الرسم بيحاكي الكلام اللي موجود في الـ Requirements Doc

ممكن نفس ال Requirements Doc يطلع منه أكتر من ERD انما لو جيت تعمل Mapping لنفس الـ ERD الناتج هيطلع نفسه دايمًا لأنها قواعد محفوظة

Note

كل المراحل دي ممكن تتعمل على ورق بس (مجرد تفكير) ودي مرحلة مهمة أوي انك تعمل Design عشان تبقا فاهم انت بتعمل ايه بالظبط انما مينفعش تبدأ تشتغل على طول

4. DB Implementation (Shared DB)

• دي اللي بحول فيها الكلام النظري Logical لحاجة فعليه أقدر أشتغل عليها Physical
• فهتحتاج Tool عشان تعمل المرحلة دي وهي Database Management System (DBMS) وأمثلة ليها: (SQL Server - Oracle - MySQL- Access …)
• وعشان تشتغل على أي tool من دي لازم تتعلم اللغة اللي اسمها Structured Query Language (SQL)
• والمسؤول عن المرحلة دي شخص اسمه DB Developer

---

• لما بتنزل SQL Server على جهازك، جهازك بيتحول ويبقا اسمه DB Server ودا لو عملت Server Local على جهازك، إنما برضو أقدر أعمل Connect على سيرفرات في أماكن مختلفة من نفس الـ DBMS.
• أي DB في الدنيا لازم تكون Shared ولو عندك نسختين مختلفين من نفس DB على جهازين مختلفين يبقا كدا اسمها Inconsistent DB
• انت في الحياة العملية بيبقا فيه Server واحد وكل اللي هيشتغلوا عليه بيعملوا Connect ويعدلو عليه

5. Application

• اني أستخدم ال DB بتاعي وأبدأ اوظفها في منتج فعلي ينفع الـ Client يتعامل معاها
• اني أعمل GUI (Interface) زي مثلا Web Site - Mobile App - Desktop App
• وممكن تستخدم نفس الـ DB في أكتر من حاجة
• وممكن أستخدمها بأي لغة وبأي شكل MVC - C# - Java - React
• واللي بيعمل المرحلة دي هو الـ Application Programmer ودا نقدر نقول عليه انه DB User

6. Client → End User

• دا مش بيشوف ولا بيتعامل مع ال DB أصلا هو بيشوف البرنامج أو الموقع
• Browser → URL
• هو عبارة عن الـ Application User

End User click at URL → Application Server → app need Data → DB Server - taking data and going back

مثال

عايز أعمل Website بينظم الحضور والإنصراف للموظفين

1. لازم الـ System Analyst يقعد مع العميل ويشوفه هو عايز يعمل ايه بالظبط ويطلع Requirements Doc
2. الـ DB Designer ياخد الفايل دا ويحوله لرسمة اسمها ERD
3. وبعدها نفس الـ DB Designer يحول ال ERD ويعمله Mapping باني أطبق عليه مجموعة من الـ rules عشان أطلع منه بالـ Actual Tables اللي المفروض تبقا موجودة جوا الـ DB
4. هاخد كل اللي فات دا واديه لـ DB Developer يحولي من حاجة نظرية لحاجة فعلية أقدر اوصلها واستخدمها وبستخدم في المرحلة دي Tool بيطلق عليها RDBMS زي الـ SQL Server وبعمل الـ Server دا على جهاز ويبقا دا الـ DB Server بتاعي أقدر أستخدمه بعد كدا في الـ DB دي واقدر اعمل Connect من كذا جهاز تاني
5. الـ Client مبيتعاملش Direct مع الـ DB دي فلازم يبقا فيه Interface العميل يقدر يتعامل معاها ودي مرحلة بناء الـ Application وممكن يكون أي App واللي بيعمل المرحلة دي بقا الـ Application Programmer وبيتخزن البرنامج دا في الـ Application Server، والـ programmer دا بنقول انه الـ User بتاع الـ DB فلو حب يستخدم ال DB دي بيستأذن الـ Server اللي بيتحكم فيها ويقولها انا محتاج Data فبتديله الداتا اللي هو عايزها واللي بيعمل الدور دا هو ال DBMS